З перасцярогаю аб навісаючай пагрозе знішчэння хрысціянства на Блізкім Ўсходзе выступіў
праваслаўны архіепіскап з Сірыі. "Калі будуць працягвацца войны, хрысціяне будуць
вымушаныя эміграваць і тады больш не вернуцца".
Выступаючы на Міжземнаморскім Форуме па міжкультурным дыялогу, Яго Святасць Грэгоріс
Йоханна Ібрагім праілюстраваў сваю заклапочанасць лічбамі: 300 млнаў мусульманаў
і 15 млнаў хрысціянаў, колькасць якіх паменьшваецца штогод.Гісторыя памятае перыяды,
калі рэлігіі і на Ўсходзе жылі ў міры, дакуль Атаманская імперыя пачала вынішваць
хрысціянаў. Архіепіскап зазначыў, што зараз урад Сірыі заахвочвае прадстаўнікоў
асноўных рэлігій - хрысціянаў і мусульманаў да дыялогу. Мясцовыя хрысціяне, напрыклад,
удзельнічаюць ў мусульманскіх абрадах, ходзяць разам ушколы, працуюць і гуляюць побач.
Аднак і там заўважваецца ўзрастанне ісламскага фанатызму. На форуме, які працягваецца
ў рыме, выступілі прадстаўнікі розных рэлігій і культур. Свецкі дзеяч Мухамад Хабаш,
член Сірыйскага парламанту і вучоны-ісламіст, зазначыў, што у яго краіне сымбалі
ісламу і Хрысціянства суседнічаюць, нават у культавых месцах. "Духоўнасць, любоў і
павага --аднолькавыя. Рэлігія ня ёсць праблемай, ані штуршком для вайны.Гэтаму спрыяе
несправядлівасць. эканамічная і сацыяльная - вось што нараджае гвалты", - зазначае
член парламанту Сірыі