ШЛЮБ ПАВІНЕН БЫЦІ ЛЮБ. Праз месяц ,які прамільгнуў пасля Сусветных Дзён моладзі ў Аўстраліі, хочым вярнуцца думкаю ў гэтую загадкавую краіну "Кракадзіла Дэндзі" і пагаварыць аб сям'і.

Аўстралія амаль ў 38 разоў большая за Беларусь, з насельніцтвам ўдвая большым за нашае. Армія - прафесіяналы, 65 тысяч. Гарады шматмільённыя, вёскі і хутары адлеглыя на сотні км. Нашаму Янку пашчасціла там пабываць на запрашэнне беларускай суполкі, дык пытанне да яго аб так важным артыкуле дэмаграфіі, як суадносіны між жаніхамі і нявестамі.