Sot Kisha katolike përkujtoi papën reformator, Shën Piun X.
(21.08.2008 RV)Gjuzepe Sarto, ipeshkëv
i Mantovës (1884) e Patrik i Venedikut (1893), u ul në katedrën e Shën Pjetrit me
emrin Piu X. Ishte papa i parë i kohës që vinte nga shtresat fshatare e popullore,
i ndjekur, 65 vjet më pas, nga Papa Gjoni XXIII. Është një nga papët e parë që përshkoi
të gjitha etapet e shërbimit baritor: nga kapelan, në papë. Është papa i cili në Motu
proprion “tra sollecitudini” (1903) pohon se pjesëmarrja në misteret shenjte është
burimi i parë e i domosdoshëm për jetën e krishterë. Piu X mbrojti tërësinë e doktrinës
së fesë, i kushtoi vëmendje të veçantë kungimit në të gjitha moshat, edhe në atë
fëmijnore, i hapi rrugën reformës së ligjshmërisë kishtare, qe gjithnjë pranë Veprimit
Katolik, pati shumë për zemër përgatitjen e meshtarëve, u kujdes për botimin e një
katekizmi të ri, mbështeti lëvizjet biblike, nxiti reformën liturgjike dhe dha ndihmesë
të ndjeshme në krijimin e kodifikimin e këngëve të Kishës.