(20.8.2008 RV)Në një atentat të dyfishtë në Buira, 150 km në lindje të Algjerit
kanë vdekur 11 persona e janë plagosur shumë të tjerë. Atentati parë me autobombë
ka goditur një ndërtesë ushtarake, i dyti shpërtheu afër Bashkisë derisa po kalonte
një autobus plotë me udhëtarë. Dje një tjetër furgon bombë shpërtheu kundër akademisë
së policisë duke shkaktuar 43 të vdekur. Qeveria dyshon se pas këtyre atentateve fshihet
grupi terrorist i ashtëquajtur "Al Kaida në Magrebin islamik". Pakistani vendos
për të ardhmën e liderit Musharraf, derisa atentatet me dinamit e ndeshjet me
milicët e bëjnë skenarin gjithnjë më kritik. Kanë dështuar bisedimet e koalicionit
qeverisës për gjetjen e një kandidature që do të zëvendësojë ish-presidentin Pervez
Musharaf, i cili ka lajmëruar dorëheqjen e tij nga posti i presidentit. Bisedimet
janë ndërprerë pasi politikanët nuk janë marrë vesh lidhur me rikthimin e dhjetëra
gjyqtarëve që Musharafi i kishte larguar vitin e kaluar. Në planin politik Pakistani
po studion strategjitë për të favorizuar rendin publikë e stabilitetin e vendit.