Пасля свята Унебаўзяцця Панны Марыi ў Балгарыi завершылася праца летняга працоўнага
лагера, арганiзаванага маладымi iтальянскiмi дабрахвотамi. Лагер дзейнiчаў у г.Ракоўскi,
дзе таксама працуе на працягу некалькi гадоў аддзяленне каталiцкай дабрачыннай арганiзацыi
“Карытас” Мiланскай дыяцэзii. Лагер, якi працаваў у рамках агульнай праграмы “Будаўнiчыя
пляцоўкi салiдарнасцi”, меў за мэту спрыяць развiццю агульначалавечых вартасцяў i
выявiць салiдарнасць з жыхарамi г.Ракоўскi, дзе ўзровень жыцця з’яўляецца вельмi нiзкiм. Зробленыя
высiлкi i ўжытая энэргiя моладзi была накiравана на вырашэнне праблем тых, што пакутуюць
i маюць патрэбу, каб дапамагчы кожнай асобе прыняць удзел у духоўным адраджэннi. У
iнiцыятыве, пачынаючы з 2003 года, прыймаюць удзел каля тысячы маладых людзей з Iталii.
Уласнай працай яны на практыцы выяўляюць братэрства i спачуванне Каталiцкай Царквы,
каб пры пасрэднiцтве арганiзацыi “Карытас” ажыццявiць розныя гуманiтарныя iнiцыятывы
пад час летняга адпачынку. Менавiта братэрства з’яўляецца асновай iх дзейнасцi.
Горад Ракоўскi быў абраны для гэтага не выпадкова: у iм жыве найвялiкшая колькасць
католiкаў Балгарыi, з якiх многiя маюць сталы ўзрост. Маладыя iтальянцы, разам
са сваiмi балгарскiмi аднагодкамi, прынялi ўдзел у ажыццяўленнi шэрагу праектаў мясцовай
арганiзацыi “Карытас” i законнiц-мiсiянарак, якiя працуюць у гэтым рэгiёне Балгарыi. Звычайна
дабрахвоты ранiцай дапамагалi састарэлым людзям разам з групай сёстраў мiласэрнасцi
цi арганiзоўвалi працу адпаведных карытатыўных устаноў, а у другой палове дня яны
арганiзоўвалi розныя мерапрыемствы i малiлiся разам з мясцовымi маладымi цыганамi.
Жыхары горада з вялiкай пашанай ставяцца да дзейнасцi маладых iтальянскiх дабрахвотаў,
якiя пазбаўляюць сябе летняга адпачынку з мэтай дапамагчы iм.