Gjovani Batista Morandino, nunci apostolik në Siri, Viti kushtuar Shën Palit është
fryt i një intuite të shkëlqyer
(17.08.2008 RV) Për kryeipeshkvin
Gjovani Batista Morandino, nunc apostolik në Siri, Viti kushtuar Shën Palit është
fryt i një intuite të shkëlqyer. E në Siri, pikërisht në frontin e dialogut – pohon
nunci - janë bërë hapa të papërfytyrueshme përpara. Ecja në gjurmët e Shën Palit,
ndërmjet tjerash, na krijon mundësitë të jetojmë përvojën e fesë së krishterë, të
rizbulojmë Kishën e të rigjejmë kulturën, që ishte në bazë të shndërrimit të Apostullit
të Popujve. Lidhur me vitin kushtuar Shën Palit në Siri, ta dëgjojmë vetë imzot
Morandinin, në mikrofonin e Radio Vatikanit:
Përgjigje: -
Damasku është themelor për vetë historinë e Kishës sonë: Pali e Pjetri janë dy shtyllat
e Kishës. Pali lidhet drejtpërdrejtë me Krishtin, ndonëse nuk jetoi me Të, duke kaluar
në ekstazë e duke u bërë, kështu, një nga apostujt më të rëndësishëm ndërmjet popujve.
Por nuk duhet harruar edhe rëndësia në planin kulturor; e mua më pëlqen shumë ta shikoj
këtë shenjë të kohëve e të shikoj edhe Damaskun, që këtë vit është kryeqytet i kulturës
arabe. Në këtë ‘njeri të popujve’ siç ka thënë Ati i Shenjtë – gjindet pasuria më
e madhe. E unë dëshiroj t’ua kujtoj këtë njerëzve tanë: Damasku është qytet, ku u
realizua Misteri i Krishtit, që u bë pastaj Kishë: një e vetme, shenjte, katolike
e apostolike.