Papa: thirrje e fuqishme për Osetinë jugore e reflektimi mbi dallimin mes gëzimit
të vërtëtë e joshjeve të rreme.
(09.08.2008 RV)Papa ndjek me shqetësim
të madh lajmet dramatike mbi krizën ndërmjet Rusisë e Gjeorgjisë. Të dëgjojmë drejtorin
e Sallës vatikanase të Shtypit, atë Federiko Lombardin, me telefon nga Bresanone:
Përgjigje:
- Për fat të keq jemi tronditur të gjithë nga këto ngjarje. Janë gjithnjë
ngjarje lufte, dhune, vdekjeje, edhe pse nuk e dimë saktësisht sa është numri i njerëzve
të rënë, që na shqetëson e na hidhëron tepër. Fatkeqësisht Kaukazi është një nga zonat
e botës, në të cilat ka shumë tensione, që dalin në dritë ndoshta pas vitesh të një
qetësie relative. Ky është çast shumë shqetësues. Shpresojmë se arsyeja
e mirë, vullneti për paqe e marrëveshje do të fitojnë mbi përdorimin e armëve, që
nuk janë kurrë udha më e mirë për sigurimin e paqes.
Pyetje:
- Ndoshta Papa do ta kujtojë këtë ngjarje në lutjen e nesërme të Engjëllit
të Tënzot… ?
Përgjigje: - Normalisht
me rastin e Engjëllit të Tënzot Papa kujton ngjarjet kryesore, edhe ato të botës.
E mund të themi se është një hamendje e drejtë.