Спартыўны фонд імя Яна Паўла 2-га створаны ў Італіі. Ганаровым прэзідэнтам з'яўляецца
біскуп Фідэнцы монс. Карло Мацца.
Заклік польскага Папы - "Каб спорт стаўся школай дружбы і салідарнасці" з'яўляецца
праграмай новага Фонду. Папа Ян Павел 2 сказаў іх у юбілейным 2000-м годзе падчас
Імшы на алімпійскім стадыёне ў Рыме, дзе было шмат спартсменаў. Новы спартовы каталіцкі
Фонд зарганізавалі 5 арганізацый на чале з нацыянальным цэнтрам спорту Італіі, які
гэтым летам шырока адзначае сваё 60-годдзе, у прамым кантакце з Папскай радай па
справах свецкіх і Канфярэнцыяй каталіцкіх біскупаў Італіі. У моманце ўрачыстага
адкрыцця "Фонду Яна Паўла 2 " прэзідэнт Эдзіо Кастанціні прыпомніў, што Ян Павел
2 быў добрым фізкультурнікам: займаўся лыжамі, граў у футбол, рабіў водныя пераходы
на байдарцы. Ужо заяўлена і першая акцыя Фонду - маратона Ерусалім-Рым , якая пачнецца
24 красавіка 2009 году і завершыцца праз 2 месяцы. Пройдзе па маршруце апостала
Паўла на заканчэнне году Святога. 21 чэрвеня на плошчы святога Пятра ў Рыме будзе
абсталяваны ганаровы фініш і пляцоўка, на якой адбудуцца спаборніцтвы па іншых відах
спорту.