Папа Бенедыкт 16 пасля кароткага адпачынку па звароце з Сыднею аднавіў сваю працоўную
дзейнасць. У пятніцу апаўдні прыняў прэм'ер-міністра Іраку Нурі Аль Малікі ў апостальскім
палацы летняй рэзідэнцыі пад Рымам.
Прэссакратар Ватыкану айцец Федэрік Ломбардзі з гэтай нагоды заявіў: -" Папская аўдыенцыя
мае вялікага значэння, бо палягае ў шуканні міра і згоды - па цэлым свеце і на Блізкім
Усходзе. Гаворка йшла таксама - і гэта яскрава - аб праблемах каталіцкай меньшасці
краіны. Хрысціяне Іраку маюць вялікія цяжкасці, якія паглыбіла смерць монс. Рохо.
Іншы аспект - эміграцыя, якая для хрысціянаў Іраку ёсць у пэўным сэнсе вымушанай
мерай. Так, напрыканцы 20 стагоддзя ў краіне жыў 1 млн католікаў, цяпер - 630 тысяч.
Ірак, - зазначыў айцец Ломбардзі, - гэта краіна, на якую мы глядзім з вялікай надзеяй
,але і з занепакоеннем. Папа штодня моліцца за Ірак". Прэм'ер міністр Іраку сустрэўся
таксама з дзяржсакратаром Ватыкану кардыналам Тарчізіо Бертоне. Наведанне Нурі Аль
Малікам Ватыкану - частка афіцыйнага знаходжання ў Італіі, дзе будзе размаўляць з
палітычнымі дзеячамі Італіі і Германіі. Нурі Аль Малікі- веруючы мусульмнанін,
лідэр ісламскай партыі "Дай ва" , мае 58 гадоў Ягоны ўрад з 37-мі членаў будзе кіраваць
краінай па выбарчым мандаце да канца 2010 году.