Свяцейшы Айцец спаткаўся ў Сiднэi з маладымi людзьмi, якiя маюць праблемы з сацыяльнай
адаптацыяй."Найбольшае зло - наркотыкі,яны даводзяць да насілля і дэградацыі асобы."
На плошчы перад сiднэйскай катэдрай св. Марыi падчас Крыжовага шляху, якi быў перададзены
ў прамым тэлерадыёэфiры, Бенедыкт XVI° спаткаўся з групай моладзi , што мае праблемы
з адаптацыяй да сацыяльнага асяроддзя і зараз знаходзяцца на лячэнні ад наркаманіі
і алкагалізму ды на аднаўленні асобы ў спецыяльнай каталіцкай грамадзе. 2 былыя таксікаманы
тут прадставілі свае сведчанні раскаяння. На сустрэчы былі прысутнымі некаторыя члены
сем'яў гэтых маладых людзей. Прывiтаўшы ўсіх, Папа звярнуў увагу на важнасць аднаўленчай
праграмы “Alive” i падзякаваў яе арганiзатарам - Сiднэйскай арцыдыяцэзii за клопат
аб разгубленай моладзі. Свяцейшы Айцец засяродзiў увагу на сапраўдным сэнсе
слова “жыццё”, на тым, што значыць “я жыву”. "Езус сказаў,- зазначыў Бенедыкт XVI°,-:
“Я прыйшоў, каб мелі жыццё i мелі яго дастаткова”. У Старым запавеце аб гэтым ужо
казаў Майсей: “Чалавек пастаўлены памiж жыццём i смерцю, памiж блаславенствам i праклёнам”.
У далейшай частцы сваёй прамовы Папа паяснiў : “Каб жыць, мы маем патрэбу ў ежы. Але,
калi мы закрытыя, калi адмаўляемся дзялiцца тым, што маем, з галоднымi i з галечнымi,
тады мы пераносім гэтыя даброты да фальшывых каштоўнасцей боскасцi. Замест таго, каб
несцi жыццё, нясем смерць”. Гэтым спатканнем й завершылася пятнiца Сусветнага
дня моладзi ў Сiднэi. Аб далейшых падзеях, злучаных з душпастырскiм падарожжам Папы
ў Аўстралiю, слухайце ў нашай заўтрашней праграме.