Pas Udhës së Kryqit, 165 koncerte për të gjitha shijet
(18.07.2008 RV)Punë të madhe kanë bërë organizatorët e DBR-së. Duke filluar
që mbrëmë e duke vijuar edhe sot, pas përfundimt të Udhës së Kryqit, në skenat e Sidneit
po jepen 165 koncerte, për të gjitha shijet. 500 mijë të rinjtë, që marrin pjesë në
Ditën e tyre, mund të shijojnë muzikë moderne me frymëzim fetar e laik. Në këtë Festival
rinor, u ngjitën në skenë grupet më të njohura, që nga prifti raper, Stan Fortuna,
tek një kompleks i njohur, që propozoi ‘Mesinë’ e Hëndelit e tek grupi folkloristik
indian Rexbënd. Sonte në skenën e Barangarusë, të rinjtë ndoqën koncertin e këngëtarit
të njohur kanadez, Matt Maher. Nuk mungoi as Orkestra Simfonike e Sidneit, për të
rinjtë që shijojnë muzikën klasike, të cilët patën rastin të ndjekin, në Teatrin e
Operas, ‘Missa Solemnis’ të Betoven. Po ku numrohen dot një për një të 165 spektaklet?
Do të na duhej të merreshim vetëm me ta, në sa janë thjeshtë një pjesë, e natyrisht
jo më e rëndësishmja, e kësaj shfaqjeje vigane feje, shprese, optimizmi, që po i japin
të rinjtë botës mbarë nga tribuna e DBR-së së Sidneit.