Sot Kisha katolike kujtoi Shën Bonaventurën, teolog i madh mistik françeskan.
(15.07.2008 RV)Lindi më 1217 në
Bagnoregio në provincën e Viterbos, u bë frat, epror i përgjithshëm i Urdhërit e pastaj
kardinal e ipeshkëv i Albanos. Vdiq më 1274 gjatë Koncilit II të Lionit në Francë.
Por mbi ç’ baza ngrihet teologjia e tij?
Përgjigje: - Bonaventura
është teolog me shpirt thellësisht mistik. Për të gjithçka është në shërbim të thellimit
të përvojës të jetës së fesë. Është shpirt françeskan. Mendon se Zoti është gjithçka
për njeriun, njeriu vjen nga Zoti, duhet të kthehet tek Zoti e kthehet përmes ndërmjetësimit
të Fjalës së mishëruar e të kryqëzuar. E ai, Bonaventura, e jeton thellësisht përvojën
mistike si bashkim kundrues plot dashuri me Zotin, e mira më e Lartë, që e bën të
jetojë qysh në tokë përvojën e bashkimit intim me Hyjin, e cila provohet vetëm në
në Parriz. Pyetje: - Shën Bonaventura ka thënë: nuk mjafton
studimi - pa mrekullinë, s’mjafton shkenca - pa dashurinë e krishterë, e s’mjafton
mençuria - pa përvujtërinë…
Përgjigje: -
Shën Bonaventura është thellësisht i vetëdijshëm se i gjithë misteri i përvojës së
krishterë është dhuratë që vjen nga Zoti, është dhuratë e Shpirtit Shenjt. Është,
pra, i vetëdijshëm se nisma është e Zotit, gjithçka jemi, vjen nga Zotit, i cili pret
që ne ta lemë vetën në duart e tij, në vullnetin e tij, të marrim pjesë në nismën
hyjnore. Këtë na kujton sot në ditën e festës së tij!