DBR-së: fillon triditshi i përgatitjes për takimin me Papën, që vijon pushimin në
Kënthëst Sente.
(15.07.2008 RV)Tani do të fillojë triditshi i përgatitjes për Natën e Lutjes
e për Meshën me Papën. Gjatë tri ditëve të rinjtë do të rrëfehen, do të adhurojnë
Eukaristinë, do të luten pranë Kryqit të DBR-së e do të ndjekin katekizmin. Veç
këtyre, mbi tribunën e Barangaru, ku të enjten do të ngjitet Papa, dhe në pika të
tjera të qytetit, filloi sonte Festivali i Rinisë, me 450 takime, ekspozita e diskutime
rreth temës së zhvillimit të qëndrueshëm, seksualitetit, drejtësisë shoqërore e dialogut
ndërmjet feve.Vijon, ndërkaq, periudha e pushimit të Papës në selinë e Kenthëst Sente,
rreth pesëdhjetë kilometra larg qytetit. Edhe sot Papa kremtoi Meshën e mëngjesit,
shëtiti ndërmjet pyjeve e dëgjoi një koncert të Grupit Simfonik të të rinjve të Sidneit.