Aborigjenët do të jenë të pranishëm në DBR-së.

(14.07.2008 RV)“Prania e aborigjenëve gjatë vizitës papnore, është një fakt i rëndësishëm” – kështu e komenton zëdhënësi i Vatikanit, Atë Federiko Lombardi, njoftimin, sipas të cilit një grup aborigjenësh do të përfaqësojë australianët autoktonë në Meshën e madhe të 20 korrikut, me të cilën Benedikti XVI do të përfundojë kremtimet për Ditën Botërore të Rinisë. Përveç kësaj – njofton Atë Lombardi – gjatë ditëve të pushimit të Papës në qëndrën Kënthërs Stadi të Opus Dei-t, në veri të Sidneit, kardinali Tarçizio Bertone do të vizitojë një nga fshatrat e aborigjenëve në Australi.
“Sekretari i Shtetit të Shenjtërisë së tij, do të ketë me vete edhe anëtarë të tjerë të grupit, që shoqëron Papën. Sot vizitoi qytetin Paramata, ku kremtoi Meshën Shenjte në katedralen e Shën Patrikut”- vijon njoftimi i Atë Lombardit.Kujtojmë se në shkurtin e kaluar, kryeministri Kevin Rud, në emër të qeverisë, u kërkoi zyrtarisht falje aborigjenëve për padrejtësitë e pësuara në të kaluarën dhe dënoi përpjekjen për t’i asimiluar me forcë, gjatë viteve 1910-1970. Edhe Papa, siç njoftoi pak ditë më parë Atë Lombardi, gjatë fjalimeve të tij, do të prekë temën e aborigjenëve.