Айцец Фэдэрыко Лёмбарді пра падарожжа Бэнэдыкта 16 у Сыднэй
Пра падрабязнасці падарожжа Бэнэдыкта XVI у Сіднэй паведаміў падчас сустрэчы з журналістамі
дырэктар ватыканскага прэс-бюро кс. Фэдэрыко Ламбардзі. Вылет Святога Айца Бэнэдыкта
XVI з рымскага аэрапорту Фьюміччыно запланаваны на 10.00 у суботу 12 ліпеня гг. Пералёт
будзе працягвацца 21 гадзіну (з паўтарагадзінным прыпынкам у Дарвіне). Гэта будзе
дзевятае і найдаўжэйшае да гэтага часу замежнае падарожжа цяперашняга Папы. Аўстралію
наведалі ўжо два яго папярэднікі: Павел VI у 1970 г. і Ян Павел ІІ у 1986 і 1995 гг.
Ксёндз Фэдэрыко Ламбардзі нагадаў, што пасля прыбыцця на месца 13 ліпеня Папа
правядзе тры дні ў прыватнай рэзідэнцыі, рэкалекцыйным і фармацыйным цэнтры «Opus
Dei», «каб адпачыць і падрыхтавацца да вялікай падзеі Сусветных дзён моладзі», якія
распачнуцца (без удзелу Папы) святой Імшой у аўторак 15 ліпеня.
У сераду
вечарам Святы Айцец сустрэнецца з губернатарам Філіпам Джэфры і прэм’ер-міністрам
Кевінам Руддам, пазней запланаваны візіт у «Мэры МакКіллоп Мэморыял», прысвечаны першай
аўстралійскай благаслаўлёнай, узнесенай да хвалы алтара Янам Паўлам ІІ у 1995 г. Пасля
абеду адбудзецца «доўгачаканая першая сустрэча з моладдзю» ў заліве Роўз Бэй, куды
Святы Айцец прыплыве на караблі «Сіднэй-2000».
У пятніцу асноўныя сустрэчы
адбудуцца ў катэдры Найсвяцейшай Панны Марыі: экуменічная сустрэча з прадстаўнікамі
іншых рэлігій, галоўным чынам — будызму і ісламу. Пасля абеду — набажэнства Крыжовага
шляху, якое распачне Бэнэдыкт XVI, а таксама сустрэча з «праблемнай» моладдзю.
Раніцай
у суботу адбудзецца сустрэча з аўстралійскім духавенствам, а ўвечары — малітоўнае
чуванне на трасе Рэндуік, якое скончыцца ранішняй святой Імшой у нядзелю 20 ліпеня.
Пасля малітвы «Анёл Панскі» Бэнэдыкт XVI абвесціць, дзе адбудзецца наступны Сусветны
дзень моладзі. Перад вылетам у Рым Святы Айцец падзякуе арганізатарам і спонсарам
сустрэчы ў Сіднэі.