Cарагоса: у рамках сусветнай воднай выставы ЭКСПА 2008 Ватыкан праводзіць у сваім
павільёне Кангрэс на тэму адносінаў чалавека і створанага света. 13 і 14 ліпеня,
у нядзелю і панядзелак, на ЭКСПА - Дзень Святога Пасаду
Старшыня Папскай Рады "Справядлівасць і мір" кардынал Ренато Марціно павітаў удзельнікаў
кангрэсу з15 універсітэтаў свету і лепшых іспанскіх спецыялістаў. Ён прапанаваў разам
разважаць аб свеце як этычнай рэчаіснасці, уласцівай толькі чалавеку, Тэмы сёлетняга
ЭКСПО - аб праблемах вады і устойлівага развіцця - грунтуюцца ў ініцыятывах Святога
Пасаду, які напрацягу апошніх дзесяцігоддзяў звяртае ўвагу чалавецтва на абавязак
захоўваць экалагічную этыку ў павазе стварэння да створанага дзеля зберагання самога
чалавека ў земскім жыцці. Арганізатары канфярэнцыі абвяшчаюць, што ў агульначалавечай
і хрысціянскай перспектыве неабходна знаходзіць станоўчыя творчыя адказы на пытанні
асоб і цэлых народаў аб шляху эвалюцыі з моцным усціскам на прыроду штучнай дзейнасці
чалавека. Сэнс адносін Царквы да праблем навакольнага асяроддзя адсылаюць да базавых
дакумантаў , у прыватнасці да Пастырскай Канстытуцыі "Gaudium et Spes (радасць і надзея)"
2-га Ватыканскага Сабору, якая прадбачліва перасцерагае не забывацца на этыку. Таксама
гаворка йдзе на базе думак Папы Бенедыкта 16 адносна стаўлення да ілюмінізму з ягоным
прагрэсіўным і рэгрэсіўным ды небяспечным утрыманнем.У прыватнасці, ў адносінах да
прыроды і ўмяшання ў яе. Вада - гэта неад'емнае дабро для чалавека. Сама ватыканская
экспазіцыя расказвае, у тым ліку, і аб духоўнасці вады і аб адказнасці за захаванне
яе чалавекам, якому Бог даручыў даглядаць свет.(Як сказаў Экзюпері, "вада бывае патрэбна
і сэрцу". Працы Канфярэнцыі падзелены на 3 дні:У чацвер абмеркавана тэма "Адносіны
чалавека і света" (асноўныя дакладчыкі - італьянец Сальмері і гішпанец Домінгуэс)
"Чалавек як уцелаўлёны дух ", у пятніцу - "Экалогія прыроды: свет як этычная рэчаіснасць"(
адзін з дакладчыкаў - навуковец-езуіт з Бейруцкага універсітэта айцец Халілі Самір,
які спыніцца на каштоўнасці прыроды і павагі да яе з пункту гледжання класічнага
Іслама ), а ў суботу, 12 , палермітанскі біёлаг Віола прапануе даклад "Ахаванне чалавечай
істоты як віда. Каштоўнасць і фундамантальныя правы чалавека як жывой і сужыццёвай
істоты ў багатым свеце відаў ". У нядзелю 13 ліпеня кардынал Ренато Марціно узначаліць
цэлебраванне святой Імшы ў сарагоскай катэдры "Ностра Сеньёра дэль Пілар" У панядзелак
14ліпеня цэлы дзень прысвечаны Святому Пасаду. Дык павільён Ватыкана, як чакаецца,
наведаюць тысячы гледачоў і выдатных дзеячаў. У павільёне знаходзяцца цудоўныя творы
жывапісу, скульптуры і прадметы царкоўнага ўжытку з Музеяў Ватыкану і каталіцкіх цэркваў
розных краін, асабліва Гішпаніі. Вечарам ЭКСПО падорыць Папу Бенедыкту 16 сімфанічны
канцэрт, які пройдзе ў Аўдыторыюме Сарагозы . Дырыжор Інма Хара. Грошы за білеты пойдуць
на праект воднага размеркавальніка для сельскіх мясцовасцей Індыі.