Галава католiкаў Беларусi пракаментаваў iнфармацыю аб магчымым падарожжы Свяцейшага Айца ў Беларусь.

Перадаем паведамленне Прэс-службы Канферэнцыі Каталіцкіх Біскупаў у Беларусі.
У сувязі з тым, што ў многіх сродках масавай інфармацыі з’явілася паведамленне аб тым, што Папа Бенедыкт XVI° прыняў запрашэнне Прэзідэнта Рэспублікі Беларусь Аляксандра Лукашэнкі наведаць Беларусь, Мітрапаліт Мінска-Магілёўскі арцыбіскуп Тадэвуш Кандрусевіч паведаміў Прэс-службе Канферэнцыі Каталіцкіх Біскупаў у Беларусі наступнае: «Пасля цэрымоніі ўскладання на мае плечы палія Мітрапаліта ў базыліцы святога Пятра ў Рыме 29 чэрвеня 2008 г. Папа сказаў, што кардынал Тарчызіо Бертоне вянуўся з Беларусі вельмі натхнёны. На гэта я адказаў: „Цяпер чакаем Вас, Ваша Святасць“. Папа адказаў: „Калі Бог дазволіць“.
Такім чынам, я не магу падцвердзіць паведамленне сродкаў масавай інфармацыі аб тым, што Папа прыняў запрашэнне. Гэта не больш, чым свабодная інтэрпрэтацыя СМІ. Хаця, зразумела, не буду ўтойваць, што мы чакаем Папу».