Jezuitët në Shqipëri: histori e gjatë dhe e lavdishme. Me ne Atë Lelo Lancili dhe
Atë Mario Fabrikatore, S.J.
(04.07.2008 RV)E gjatë dhe e lavdishme – historia e jezuitëve dhe e misionit
të tyre në Shqipëri, që u përqendrua kryesisht në dy fusha: apostullim e kulturë.
Në këto dy fusha ata shkrinë pa kursim të gjitha energjitë e tyre shpirtërore, intelektuale,
morale, duke lënë pas gjurmë të pashlyeshme në kujtesën e popullit, që nga jezuitët
e parë që shkelën në tokë shqiptare, të tre sicilanë: Zef Gugliata, Vinçenc Bazile
e Salvator Bartoli. E ne urojmë që në gjurmët e tyre të ecë edhe i pari jezuit shqiptar
i pasdiktaturës, diakoni Zef Bisha, që do të shugurohet nesër, në Katedralen ‘Nënë
Tereza’. Vështirë ta përmbledhësh një histori shekullore me pak fjalë, në kufijtë
e një faqeje interneti. Përpiqen ta bëjnë këtë për ne, misionarët jezuitë, Atë
Lelo Lancili e Atë Mario Fabrikatore, në mikrofonin e dom David Gjugjës: