Nga 28 korriku deri më 11 gusht Ati i Shenjtë do të kalojë një periudhë pushimi në
Bresanone.
(01.07.2008 RV)Nesër, më 3 korrik, menjëherë pas audiencës së përgjithshme
në Sheshin e Shën Pjetrit, Papa do të niset nga Vatikani për në Kastel Gandolfo, ku
do të qëndrojë deri më 12 korrik. Kështu, sipas traditës, lutjen e Engjëllit të Tënzot
të të dielave 6 e 27 korrik, do ta kremtojë në oborrin e Pallatit Apostolik të Kastel
Gandolfos. Gjatë pushimeve verore – sipas një note të Prefekturës së Shtëpisë Papnore
– do të ndërpriten të gjitha audiencat private e të posaçme, si dhe audiencat e përgjithshme
të 9, 16, 23 e 30 korrikut. Nga 12 deri më 21 korrik, Benedikti XVI do të jetë
në Australi, për të kryesuar kremtimet e Ditës së 23-të Botërore të Rinisë, Sidnei
2008. Më 28 korrik Benedikti XVI do të niset për një periudhë pushimesh në Bresanone,
ku do të qëndrojë deri më 11 gusht. Sivjet Papa do të banojë në Shtëpinë e seminarit,
në të cilën ka kaluar disa herë pushimet, kur ishte kardinal.Audiencat e përgjithme
– përfundon nota – do të rifillojnë rregullisht që nga data 13 gusht e edhe lutja
e Engjëllit të Tënzot në të dielat e solemnitetet e periudhës verore, do të kremtohet
nga Pallati Apostolik i Kastel Gandolfos.