Патрыярха Аляксей ІІ: складзеныя каталіцка-праваслаўныя адносіны

Аб зьбліжэньні з Каталіцкім Касьцёлам у абароне супольных вартасьцяў і аб разыходжаньнях, якія надалей існуюць у галіне экумэнізму- гаварыў на форуме Сыноду Рускае Праваслаўнае Царквы Аляксей ІІ. У часе прац Сыноду, які пачаўся ў нядзелю 22-га чэрвеня, Маскоўскі Патрыярха пералічыў, як знакі поступу ва ўзаемных адносінах з Каталіцкім Касьцёлам погляды на ролю рэлігіі, сям”і ды маральнасьці. Да адмоўных пытаньняў залічыў каталіцкі празэлітызм на тэрыторыі Расеі ды перасьледаваньне праваслаўных вернікаў грэка-католікамі ў Заходняй Украіне.