(26.06.2008 RV)Në përkim të plotë me kremtimet e Kishës katolike, hapja e Vitit
kushtuar Shën Palit, në Damask, qytet i kthimit të Apostullit të Popujve – do të kremtohet
nga të gjitha bashkësitë e krishtera: katolike, ortodokse e protestante e, në emër
të tyre, shpallja zyrtare e kësaj ngjarjeje të madhe, do të bëhet pasditën e 28 qershorit
nga patriku greko-ortodoks i Antiokisë, Fortlumturia e Tij Injaci IV. Në këtë çast
patriku greko-melkit katolik i Antiokisë, Fortlumturia e tij Gregori III do të jetë
në Romë, në Bazilikën papnore të Shën Palit jashtë Mureve, pranë Papës Benedikti XVI.Ndërmjet
shumë veprimtarish, që do të organizohen gjatë gjithë Vitit kushtuar Shën Palit, po
kujtojmë shtegtimin në këmbë, që do të organizohet të shtunën e ardhshme nga Kisha
e Shën Gjergjit në Damask, drejt zonës së Kaukabit, ku Shën Pali pati vegimin e mirënjohur,
që e bëri të kthehej nga persekutor, në predikatar të Krishtit nëpër shtigjet e botës.