Gazeta vatikanase ‘L’Osservatote Romano’ botohet në gjuhën Malaiam
(26.06.2008 RV)“Botimi i numrit të parë të gazetës vatikanase ‘L’Osservatore
Romano’ në gjuhën malaiam, është një ngjarje me domethënie të posaçme për jetën e
Kishës në Indi”. Me këto fjalë e përshëndeti Papa Benedikti XVI botimin e ri nga
gjuha angleze, në gjuhën malaiam, të së përditshmes vatikanase, që do të dalë më 3
korrikun e ardhshëm në shtetin e Keralasë. Ati i Shenjtë nënvizon, më pas, se gazeta
do t’i njohë me veprimtarinë e Selisë së Shenjtë më se gjashtë milionë katolikët
e këtij shteti, duke fuqizuar lidhjet e fesë e bashkimin kishtar të bashkësisë katolike
vendase me Selinë e Shën Pjetrit. Në përfundim Papa uron që ky përkthim i ri të bëhet
burim i çmuar për pasurimin shpirtëror me mësimet e fesë dhe mjet i domosdoshme ndihmës
për vijimin e veprimtarisë së ungjillëzimit.