Papa:kërkesë nga mbarë bota për librin mbi Etërit e Kishës
(23.6.2008 RV)Libraria e Vatikanit vazhdon botimin me seri të përmbledhjes
së pjesëve të katekizmit të Papës Benediktit XVI mbajtur gjatë audiencave të përgjithshme
të të mërkurrave. Posa ka dalur nga botimi vepra “ Etërit e Kishës. Nga
Klementi Romak deri tek Shën Agostino” (238 faqe) ku Papa Racinger ofron një galeri
të 26-të afreskeve, secila kushtuar një autori të zanafillës së krishterë. Vepra ka
zgjuar interes të jashtëzakonshëm në botën e shtypit: 22 shtëpi botuese të 11 Vendeve
kanë kërkuar nga Vatikani përkthimin dhe botimin e kësaj vepre të Atit të Shenjtë
Benediktit XVI kushtuar Etërve kishtar të shekujve të parë. Përmes fjalëve të Papës,
“Etërit kishtar – kujton një shënim i Shtëpisë Botuese të Vatikanit –na dorëzojnë
sot, neve, të krishtërve të mijëvjeçarit të tretë, Ungjillin e shpëtimit, që ka formuar
e ushqyer zemrat dhe jetën e tyre, sepse feja, shpresa e dashuria mund të ngadhënjejnë
mbi çdo kundërshti të botës”.