(22.6.2008 RV)Sot më 22 qershor,
Kisha katolike kremtoi të dielën e 12-të gjatë vitit kishtar, e po sot kalendari liturgjik
përkujtoi edhe Shën Gjonin Fisher, ipeshkëv të Roçesterit dhe Shën Tomas More, martirë
anglezë; Nesër e hënë, më 23 qershor, kalendari kishtar përkujton Shën Zakarinë
dhe Elizabeten, prindërin e Shën Gjon Pagëzuesit; Të martën e ardhshme më 24
qershor, sipas kalendarit liturgjik, Kisha përkujton festën e Lindjes së Shën
Gjon Pagëzuesit, pararendësit të Jezu Krishtit dhe Shën Gjonin e Festin, martirë; Të
mërkurën e ardhshme më 25 qershor, kalendari kishtar përkujton Shën Gulielmin,
abat e themelues të murgjëve të Montevergjine dhe Shën Galikanin, ipeshkëv të Emburnit; Të
enjten më 26 qershor, kalendari liturgjik i Kishën përkujton Shën Gjonin e Palin,
martirë të Romës dhe Shën Hozemarìa Eskrivà de Balaguer, meshtar e themelues të Opus
Dei; Të premten më 27 qershor, kisha do të përkujtoi Shën Cirilin e Aleksandrisë,
ipeshkëv e doktor të Kishës; Të shtunën e ardhshme më 28 qershor, kalendari
liturgjik përkujton Shën Ireneun, ipeshkëv të Lionit e martir. Të dielën e ardhshme
më 29 qershor, bie festa e Shën Pjetri e Palit Apostuj, pajtor qiellor të qytetit
të Amshuar, Romës. Kujtojmë se trupi i Shën Pjetrit Apostull, pushon në bazilikën
e Vatikanin, ndërsa trupi i Shën Palit Apostull në Bazilikën kushtuar atij në rrugën
romake Ostiense. E sikur ju kemi njoftuar, dëgjues të nderuar, këtë javë e pikërisht
më 28 qershor, pikërisht pranë Bazilikës së Shën Palit Apostull jashta mureve të Romës,
do të kremtohen lutjet e mbrëmësores së festës së Shën Pjetrit e Palit Apostuj nga
Papa Benedikti XVI, e kështu do të hapet zyrtarisht Viti kushtuar Shën Palit Apostull,
shpallur një vit më parë nga Ati i Shenjtë Jozef Racinger.