(22.06.2008 RV)Do të paraqitet në Romë, më 23 qershor, pranë librarisë së Shën
Palit, “Paulus”, revista e parë mujore, që do t’i kushtohet krejtësisht Apostullit
të Popujve. Edhe kjo iniciativë zhvillohet në kuadrin e dymijë vjetorit të lindjes
së shenjtit. “Shën Pali është një figurë kyç e kulturës botërore e megjithatë edhe
asambletë liturgjike, të ftuara t’ia dëgjojnë zërin çdo të dielë, kanë me të marrëdhënie
sporadike e nganjëherë të vështirë” – shkruhet në notën e raportuar nga agjensia katolike
Sir. Çdo numër i revistës do të ketë një dosje për të paraqitur kontekstin historik
e shoqëror në të cilin janë shkruar Letrat e Shën Palit e do të përshkruajë vendet
nga ka kaluar Apostulli, që mund të vizitohen edhe sot. Gjithashtu do të ketë intervista
me personalitete të botës ekumenike e ndërfetare. Sëbashku me revistën do të lindë
edhe faqja e internetit www.paulusweb.net.