Сустрэча кардынала Бэртонэ з грэка-каталіцкай супольнасьцю Беларусі
19 чэрвеня 2008 г. Дзяржаўны сакратар Яго Святасці Папы Бэнэдыкта XVI сустрэўся з
грэка-каталіцкай cупольнасцю Беларусі. Сустракаў кардынала Тарчызіо Бэртонэ Апостальскі
Візітатар для грэка-католікаў Беларусі Архімандрыт Сяргей Гаек МІС.
Падчас
сустрэчы з грэка-каталіцкай cупольнасцю Дзяржаўны сакратар Яго Святасці Папы Бэнэдыкта
XVI асвяціў ікону святога Юзафа — для грэка-каталіцкага цэнтра ў Мінску, а таксама
абраз для касцёла ў Росіцы — месца мучаніцтва благаслаўлёных Антонія Ляшчэвіча і Юрыя
Кашыры. Высокаму госцю паднеслі ў дар ікону святой Еўфрасінні Полацкай, а таксама
горстачку зямлі з таго месца, дзе загінуў св. Язафат Кунцэвіч.
Кардынал
Бэртонэ ўзначаліў набажэнства ў інтэнцыі ўсіх жыхароў горада Мінска, у якім прынялі
ўдзел таксама прадстаўнікі гарадскіх уладаў.
Пасля сустрэчы з грэка-каталіцкай
супольнасцю кардынал Тарчызіо Бэртонэ накіраваўся на прагляд пастаноўкі Нацыянальнага
тэатра балета Рэспублікі Беларусь «Стварэнне свету». Суправаджалі высокага госця Упаўнаважаны
па справах рэлігій і нацыянальнасцяў спадар Леанід Паўлавіч Гуляка, а таксама Надзвычайны
і Паўнамоцны Пасол Рэспублікі Беларусь пры Святым Пасадзе спадар Алейнік Сяргей Фёдаравіч