Liturgjia e Fjalës së Zotit e dielës së 12-të gjatë vitit kishtar ‘A’
(21.6.2008 RV)Ja përsëri në takimin tonë javor të së shtunës me Fjalën e Zotit
të së dielës, kësaj here do të dëgjojmë e meditojmë së bashku leximet biblike të liturgjisë
së Fjalës Hyjnore të dielës së 12-të gjatë vitit kishtar, ciklit të parë, sipas kalendarit
të liturgjisë kishtare. Dëgjues të nderuar, Liturgjia e kësaj së diele na fton
ta dëshmojmë Zotin në jetën tonë të përditshme, me vepra e fjalë, pa frikë e pa druajtur
askënd. Pra Fjala e Zotit na fton të kemi besim në mbrojtjen e Hyjit, edhe atëherë
kur gjendemi në mesin e vështirësive e të përndjekjeve, për shkak të Ungjillit e të
rrëfimit të fesë në Krishtin. Misioni i kumtimit të shpëtimit, misioni i predikimit
të Ungjillit, që Zoti na beson ta predikojmë e dëshmojmë kudo, është tejet i bukur
dhe plotë entuziazëm, e në të njëjtën kohë nuk shpëton nga kërcënimet, pengesat e
persekutimet. Prandaj ky mision i kumtimit të Lajmit të Mirë – Ungjillit, kërkon të
kemi guxim e të çojmëj deri në fund duke përhapur Fjalën Jetëdhënëse të Hyjit çdo
njeriu, me besim të plotë në mbështetjen dhe ndihmën e Zotit. Thirrjen ungjillore
të mos kemi frikë, liturgjia e kësaj së diele e shoqëron me dëshmin finale të Jeremisë
profet dhe reflektimin mbi “dhuratën e hirit” që na ofron shën Pali. E tani këtu mund
të dëgjoni programit kushtuar Liturgjisë së Fjalës së Zotit të dielës së 12-të gjatë
vitit kishtar…..