Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. Была гэта 21-я сустрэча Бэнэдыкта 16-га з вернікамі
ў гэтым годзе. У сёньняшняй катахэзе Сьвяцейшы Айцец працягваў свой цыкл пра Айцоў
Царквы. Папа гаварыў пра Сьвятога Ізыдора Сьвяты Ізыдор
быў малодшым братам біскупа Леандра з Сэвільлы, прыяцелям Папы Рыгора Вялікага. Узрастаў
у асяроддзі інтэлектуальна адкрытым як на класычную літуратуру так і на хрысьціянскую
культуру. Пасьля сьмерці Леанарда стаў яго наступнікам на біскупскай сталіцы. Быў
выдатным тэалогам, гісторыкам, энцыклапедыстам. З перакананьнем- працягваў Сьвяцейшы
Айцец- хадайнічаў пра сапраўднае перадаваньне Праўдаў Веры. Дзякуючы эрудыцыі і багатаму
жыцьцёваму дасьведчаньню здолеў зьвесьці кожную навуковую дысцыпліну да хрысьціянскае
артадоксіі. Напрыклад ягоныя дыдактычныя пісьмы на этыматалогію, што былі сумаю тэалагічных
ведаў, распаўсюджвалі адначасна класычную лацінскую культуру ў Эўропе. У асабістым
жыцьці- зноў сказаў Папа ў часе сёньняшняе аўдыенцыі- перажываў пастаянныя ўнутраныя
канфлікты паміж жаданьнем самотнасьці, аскезы, адданасьці разважаньням над Божым Словам
а неабходнасьцю ўздыманьня самадзейных палітычных і рэлігійных пытаньняў тагачаснае
Эўропы. Уласьцівую дарогу шукаў у прыкладзе Хрыста, які сваю публічную дзейнасьць
папяраджаў доўгім прабываньнем на малітве. Хай стаўленьне Сьвятога Ізыдора-
сказаў на заканчэньне Бэнэдыкт 16- будзе прыкладам і заахвочаньнем для нас, якія занятыя
штодзённаю працаю, вонкаваю актыўнасьцю і так часта не знаходзім часу на малітву. Мая думка накіроўваецца
цяпер да ўдзельнікаў Міжнароднага Эўхарыстычнага Кангрэсу, які вядзе свае працы ў
гэтых днях у горадзе Квэбэк, што ў Канадзе, на тэму: “Эўхарыстыя. Божы дар для жыцьця
сьвету”. Я духоўна блізкі гэтаму царкоўнаму здарэньню ды маю надзею, што будзеяно
не толькі для хрысьціянскае супольнасьці Канадды але для цэлага Паўсюднага Касьцёла
часам моцнае малітвы, роздумаў і кантэмпляцыі над таямніцамі Сьвятой Эўхарыстыі.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Блаславенства.