У Ватыкане прайшло спатканне прысвячанае X° гадавiне з моманту смерцi кардынала Казаролi.
- “Выдатны царкоўны чалавек i выдатны дзяржаўны дзеяч”, - такiмi словамi ахарэктырызаваў
Прэзiдэнт Iталii Джорджо Наполетано кардынала Агостiно Казаролi ў сваiм лiсце да кардынала
Акiлле Сiльвестрiнi, Старшынi Камiтэта да спраў па арганiзацыi мерапрыемстваў з нагоды
дзясятай гадавiны з моманту смерцi кардынала Казаролi, якi займаў пасаду Дзяржаўнага
сакратара Ватыкану з 1979 да 1990 года. Галава Iтальянскай дзяржавы зазначыў, што
кардынал Казаролi “быў прадбачлiвы дзеяч перыяда пабудовы дыялогу, якi зрабiў вырашальны
ўклад у аб’яднанне падзеленай тады Еўропы”. У якасцi Дзяржаўнага сакратара Ватыкану
ён выканаў галоўную ролю ў адносiнах памiж Святым Пасадам i Iтальянскай дзяржавай,
адносiнаў, якiя прывялi да пагаднення ў справе ўнясення зменаў у Канкардат. Праз
дзесяць гадоў пасля смерцi кардынала Казаролi, у аўторак 10 чэрвеня ў Ватыкане прайшло
спатканне, прысвячанае гэтаму выбiтнаму царкоўнаму дзеячу. Адкрыў сустрэчу сучасны
Дзяржаўны сакратар Ватыкану кардынал Тарчызiо Бертоне, якi назваў свой даклад “Усходняя
палiтыка Агостiно Казаролi, 1963 – 1989 г.г.”. З прамовамi выступiлi таксама розныя
людзi, якiя працавалi з нябожчыкам i добра ведалi яго. Яны разважалi аб кардынале
Казаролi, як аб “арганiзатары зносiнаў памiж народамi”. Сярод выступаючых былi: кардынал
Жан-Луi Торан, Старшыня Папскай рады да спраў мiжрэлiгiйнага дыялога; былыя мiнiстры
замежных спраў Францыi, праф. Раймонд, i Польшчы, праф. Барташэўскi. Пасля даклада
гiсторыка Агостiно Джованьолi, з заключнай прамовай да прысутных звярнуўся кардынал
Сiльвестрiнi.