Дзень адчыненых дзьвярэй ў Міждыяцэзальнай Вышэйшай Духоўнай Сэмінарыі ў Пінску
1 чэрвеня 2008 г. у Міждыяцэзіяльнай вышэйшай духоўнай семінарыі імя св. Тамаша Аквінскага
ў Пінску праводзіўся Дзень адчыненых дзвярэй. Сёлета семінарыю наведала 32 маладых
чалавекі з Мінска-Магілёўскай архідыяцэзіі, Віцебскай і Пінскай дыяцэзій. Дзень
адчыненых дзвярэй распачаўся ўрачыстай святой Імшой, якую цэлебраваў Адміністратар
Пінскай дыяцэзіі кардынал Казімір Свёнтэк. Гамілію прамовіў біскуп Казімір Велікаселец,
які, між іншым, адзначыў: «Як не можа быць бальніцы без дактароў, так не можа быць
Касцёла без святароў». Юнакі пазнаёміліся з жыццём семінарыстаў, з асобай Слугі
Божага Зыгмунта Лазінскага — заснавальніка семінарыі, а таксама з яе гісторыяй і актуальнымі
падзеямі. Для маладых людзей спяваў семінарыйны музычны гурт «Адраджэнне». На заканчэнне
Дня адчыненых дзвярэй была арганізавана супольная прагулка на цеплаходзе па рацэ Піне. Catholic.by