Сiтуацыя з распаўсюджваннем СНIДу ва Украiне выклiкае заклапочанасць грэка-каталiцкiх
бiскупаў краiны.
18 траўня ўвесь свет адзначаў Дзень памяцi памёрлых ад СНIДу. З гэтай нагоды i з
нагоды Дня хворага, аб’яўленага ва Украiнскай Грэка-каталiцкай Царкве, галава Iвана-Франкоўскай
епархii УГКЦ, епiскап Уладзiмiр Вiйтышын, абнародваў спяцыяльны зварот прысвячаны
пагражаючай сiтуацыi з распаўсюджваннем эпiдэмii СНIДу ва Украiне. З нагоды распаўсюджвання
гэтай страшнай хваробы сярод насельнiцтва краiны епiскапы УГКЦ ужо выказалi сваю ясную
пазыцыю ў спецыяльным звароце Сынода епiскапаў згаданай Царквы, якi быў абнародваны
ў снежнi 2007 года. У звароце епiскапа Уладзiмiра адзначаецца, што цяпер СНIД
– “гэта не праблема асобных людзей, яна тычыцца ўсяго грамадстава: бедных i багатых,
iншаземцаў i грамадзян Украiны, мужчынаў i жанчынаў, людзей сталага веку, дзяцей i
моладзi, палiтыкаў, бiзнесоўцаў i працаўнiкоў, вайскоўцаў, вернiкаў i тых, што не
вераць у Бога”. У прыватнасцi, у паведамленнi праграмы ААН па СНIДу ва Украiне
адзначаецца, што эпiдэмiя СНIДу ў краiне з’яўляецца найбольш пагражаючай у Еўропе,
яе распаусюджванне сярод дарослага насельнiцтва складае больш за 1,5 %. На канец 2007
года было зарэгiстравана больш за 122 тыс. выпадкаў ВIЧ-iнфекцыi ад пачатку эпiдэмii
ў 1987 годзе, больш за 12,5 тысяч людзей памерлi ад чумы ХХ° стагоддзя. Гэтыя лiчбы
адлюстроўваюць толькi часткова рэальнае становiшча праблемы. Па меркаванню украiнскiх
медыкаў, у краiне цяпер жыве каля 440 тыс. хворых на СНIД. На сёняшнi дзень эпiдэмiя
распаўсюджана перад усiм сярод уразлiвых груп насельнiцтва, уключаючы тых, што ўжываюць
iн’екцыённыя наркотыкi, прастытутак i гомасэксуалiстаў. Аднак апошнiя дадзеныя сведчаць,
што прынамсi ў трох вобласцях – Кiеўскай, Адескай i Нiкалаеўскай – распаўсюджанасць
ВIЧ-iнфекцыi сярод цяжарных жанчын перавышае 1%. Гэта сведчыць аб тым, што эпiдэмiя
пераходзiць на звычайных грамадзянаў. У звароце епiскап Уладзiмiр называе дзве
прычыны пандэмii ВIЧ/СНIДу ва Украiне – соцыакультурная i духоўная: “Не цяжка адзначыць
параўнальна невысокi ўзровень сацыяльнай актыўнасцi сярод украiнцаў, iх адметную абыякавасць
ды iнэртнасць адносна таго, што робiцца ў грамадстве. Вiдавочна, што савецкi рэжым
галадаморамi i трывалым тэрорам пакiнуў глыбокую рану ў сацыяльна-грамадскiм усведамленнi
нацыi. Таму, падобна як некалi наш Пан Езус Хрыстус абуджаў апосталаў, якiя спалi,
так сама i сёння мы, вашы епiскапы, заклiкаем кожнага i кожную з вас: чаму вы дрэмлiце,
калi вораг i смерць блiзка!”, зазначыў епiскап. На яго думку, духоўны крызiс выяўляецца
ва Украiне ў разбэшчанасцi i алчнасцi.