Iракская пiсьменнiца атрымала ганаровы тытул "Каталiчка года".
Суха Рассам, iракская пiсьменнiца i лекар, заснавальнiца дабрачыннага фонда “Iракскiя
хрысцiяне ў бядзе” i аўтар кнiгi “Хрысцiянства ў Iраку” атрымала ганаровы тытул “Каталiчка
года”. Навiна аб гэтым прыйшла з Вялiкабрытанii, дзе знаходзiцца штаб-кватэра згаданага
фонда. Гэта незвычайная i энэргiчная жанчына атрымала прызнанне ўсяго праз год
пасля стварэння фонда, мэтай якога з’яўляецца аказанне фiнансавай i духоўнай падтрымкi
iракскiм хрысцiянам як тым, што жывуць у Iраку, так i тым, якiя эмiгравалi са сваёй
радзiмы. Суха Рассам нарадзiлася на поўначы Iрака. Атрымала медычную адукацыю,
выкладала на медычным факультэте Багдадскага унiверсiтэта. У 1990 годзе пераехала
ў Лондан, дзе, да выхада на пенсыю ў 2005 годзе, - працавала ў розных клiнiках. Тытул
“Каталiчка года” прысуджаецца з 1968 года па iнiцыятыве шэрагу каталiцкiх арганiзацый,
сярод якiх Саюз каталiцкiх мацярэй, Лiга жанчын-каталiчак i нацыянальная Асацыяцыя
каталiцкiх семьяў. Прэсавы сакратар узнагароджваючых арганiзацый, Iона Богле, паяснiла
матывацыю прэмii наступным чынам: “Гэта прэмiя з’яўляецца выявай падзякi жанчынам,
якiя зрабiлi выключны ўклад у каталiцкае жыццё. Пераможцы атрымлiваюць не грошы, а
толькi захапленне i падтрымку з боку iншых жанчын-каталiчак”. Афiцыйная цэрымонiя
надання тытула адбудзiцца 10 кастрычнiка бягучага года ў брытанскай сталiцы.