Ahmedinexhad: "Izraeli do të zhduket sëbashku me fuqinë satanike amerikane"

(02.06.2008 RV)Pak orë para mbërritjes në Romë për mbledhjen e FAO-s, me rastin e së cilës nuk arriti të sigurojë asnjë lloj takimi, as me autoritetet italiane e as në Vatikan, presidenti iranian Mahmud Ahmadinexhad iu kthye edhe një herë deklaratave të tij luftënxitëse. Sipas Ahmadinexhadit, Izraeli do të zhduket së shpejti dhe kështu do të ndodhë edhe me “fuqinë satanike amerikane”. Deklaratat u bënë në një ceremoni për 19 vjetorin e vdekjes së ajatollahut Khomeini.