Për misionin BE në Kosovë hipotizohet komandë e përbashkët me UNMIK-un
(30.05.2008 RV)Misioni evropian në Kosovë, Eulex, mund të hyjë nën një komandë
të përbashkët me misionin e OKB-së, Unmik. Kjo është hipoteza mbi të cilën po punon
diplomacia ndërkombëtare, për të kapërcyer problemet që kanë bllokuar faktikisht disllokimin
e Eulex-it në Prishtinë. Rusia po bllokon në OKB kalimin e kompetencave në misionin
evropian, që shihet si i paligjshëm e si miratim i pavarësisë së Kosovës. Fakti që
kreu aktual i Unmikut, Joakim Ryker është gjerman, pra qytetar i Bashkimit Evropian,
e lehtëson realizimin e kësaj ideje. Sot, sekretari i përgjithshëm i OKB-së, Ban Ki-Mun
u takua për këtë me përfaqësuesin evropian për politikën e jashtme, Havier Solana,
në kuadrin e konferencës për Irakun, që mbahet në Stokholm. Ndërkaq, politikanët kosovarë
janë shprehur se mirëpresin vetëm misionin evropian, i cili duhet të marrë pushtetin
në dorë në Kosovë brenda 15 qershorit, siç është parashikuar në pakon e Ahtisarit.