27 мая 2008 г. кардынал Вальтэр Каспер распачаў свой неафіцыйны візіт у Казань. Старшыня
Папскай Рады па садзейнічанні хрысціянскаму адзінству наведае адноўленую царкву Узвышэння
Крыжа Багародзіцкага манастыра, пабудаванага ў 1579 г. у гонар абраза Казанскай Божай
Маці.
Сёння тут захоўваецца копія святога абраза, які на працягу многіх
гадоў знаходзіўся ў асабістай капліцы Яна Паўла ІІ. У жніўні 2004 г. кардынал Каспер
прывёз яго ў Маскву і вярнуў Патрыярху Алексію ІІ.
Кардынал Вальтэр Каспер
пабывае на будаўнічай пляцоўцы касцёла ў Казані, наведае сабор Звеставання казанскага
Крамлю, а таксама іншыя праваслаўныя цэрквы і манастыры тысячагадовага горада.
У
межах візіту ў Расію таксама запланавана сустрэча кардынала Каспера з арцыбіскупам
Казанскім і Татарстанскім Анастасіем.
Неафіцыйны візіт старшыні Папскай
Рады па садзейнічанні хрысціянскаму адзінству распачаўся 21 мая. У праграме візіту
— наведванне шэрагу расійскіх гарадоў, удзел у каталіцкіх і праваслаўных мерапрыемствах,
сустрэчы з іерархамі Рускай Праваслаўнай Царквы і каталіцкімі супольнасцямі.