Прапануем вашай увазе чарговыя старонкi з Кампендiума сацыяльнай дактрыны Царквы.
ЧАСТКА ТРЭЦЯЯ
“Царква павiнна ўспрымаць Сацыяльную вестку Эвангелля не
як тэорыю, але, перад усiм, як аснову i кiраўнiцтва да дзеяння”. (Centesimus
annus, 57) РАЗДЗЕЛ ДВАНАЦЦАТЫ САЦЫЯЛЬНАЯ НАВУКА I ДЗЕЯННЕ ЦАРКВЫ1. Пастырская
дзейнасць у сацыяльнай галiне. а) Сацыяльная навука i iнкультурацыя веры. 521
Разумеючы, з якой аднаўляючай сiлай хрысцiянства можа ўздзейнiчаць таксама на культуру
i грамадства, Царква сваiм навучаннем уносiць уклад у пабудову грамадства людзей,
паказваючы сацыяльнае значэнне Эвангелля. На прыканцы XIX° стагоддзя Настаўнiцтва
Царквы сiстыматычна даследвала сур’ёзныя сацыяльныя пытаннi таго часу, устанавiўшы
“трывалую парадыгму для Царквы. Бо ёй ёсць што сказаць аб пэўных чалавечых сiтуацыях,
iндывiдуальных i грамадскiх, нацыянальных i мiжнародных, для якiх яна фармулюе сапраўдную
навуку, корпус, якi дазваляе ёй аналiзаваць сацыяльныя рэалii, выказваць аб
iх сваё меркаванне i ўказваць арыенцiры для вернага рашэння ўзнiкаючых з iх праблем.
Леў XIII°, якi разважаў аб сучаснай яму сацыяльна-палiтычнай рэчаiснасцi ў энцыклiцы
“Rerum novarum”, “надаў Царкве нiбыта “статус грамадзянства” у зменлiвых абставiнах
грамадскага жыцця, а пазней ён зацвердзiўся яшчэ болей. 522 Царква ў сваёй сацыяльнай
навуцы прапануе, перад усiм, цэласнае бачанне i поўнае зразуменне чалавека ў яго асабiстым
i сацыяльным вымярэннях. Хрысцiянская антрапалогiя, раскрываючы недатыкальную
годнасць кожнага чалавека, уводзiць такiя рэалii, як праца, эканомiка, палiтыка, у
першапачатковую перспектыву, якая выяўляе сапраўдныя чалавечыя вартасцi, натхняе i
падтрымлiвае iмкненне да хрысцiянскага сведчання ў шматлiкiх сферах iндывiдуальнага,
культурнага i грамадскага жыцця. Дзякуючы “пачаткам Духа” (Рым 8, 23) хрысцьянiн
“робiцца здольным выконваць новы закон любовi (пар. Рым 8, 1-11). Гэтым Духам,
“Якi ёсць гарантам спадчыны” (Эф 1, 14), увесь чалавек унутранна аднаўляецца
да самога “адкуплення цела” (Рым 8, 23)”. У гэтым сэнсе сацыяльная навука сведчыць
аб тым, што аснова маральнасцi ўсялякай сацыяльнай дзейнасцi – чалавечае развiццё
асобы, а крытэрый нармальнай сацыяльнай дзейнасцi – адпаведнасць сапраўднаму дабру
чалавецтва i iмкненне ствараць умовы, якiя дазваляюць кожнаму чалавеку здзейснiць
сваё агульнае паклiканне. 523 Хрысцiянская антрапалогiя ажыўляе i падтрымлiвае
пастырскую дзейнасць па iнкультурацыi веры, накiраванай на тое, каб аднавiць з сярэдзiны,
сiлай Эвангелля, крытэрыi меркавання, асновапалягаючыя вартасцi, вобраз думання i
жыцця сучаснага чалавека: “дзякуючы iнкультурацыi Царква робiцца больш зразумелым
знакам таго, чым яна ёсць, i болей дзейсным iнструментам мiсii”. Для сучаснага света
характэрны разрыў памiж Эвангеллем i культурай; секулярэзаванае бачанне збаўлення
iмкнецца звесцi i хрысцiянства да “чыста чалавечай мудрасцi, псеўданавукi аб дабрабыце”.
Царква разумее, што павiнна зрабiць “вялiкi крок наперад у сваёй эвангелiзацыi,
павiнна выйсцi на новы гiстарычны этап у сваiм мiсiянарскiм дынамiзме”. У гэтай
пастырскай перспектыве знаходзiць сваё месца сацыяльная навука: “Новая эвангелiзацыя,
у якой сучасны свет мае вялiкую патрэбу… павiнна зрабiць адным са сваiх iстотных кампанентаў
абвяшчэнне сацыяльнай навукi Царквы”. Сацыяльная навука i царкоўнае дзеянне б)
Сацыяльная навука i сацыяльнае пастырства 524 Сацыяльная навука дае важныя арыенцiры,
якiя дазваляюць акрэслiць натуру, устаноўкi, сувязi i развiццё сацыяльнага пастырства.
Сацыяльнае пастырства – выява служэння сацыяльнай эвангелiзацыi, мэта якога: асветнiцкая
дзейнасць i стымуляцыя, яно павiнна суправаджаць цэласнае развiццё чалавека пры пасрэднiцтве
хрысцiянскага вызвалення ў зямной i трансцэндэнтнай перспектывах. Царква жыве i працуе
ў гiсторыi, супольна дзейнiчае з грамадствам i культурай сваего часу дзеля выканання
сваёй мiсii несцi навiну хрысцiянскай весткi ўсiм людзям, у глыбiню iх цяжкасцяў,
барацьбы i выпрабаванняў, каб яны ўбачылi сваё жыццё ў святле веры i зразумелi тую
iсцiну, што “сапраўднае вызваленне – адкрыцца любовi Хрыстовай”. Сацыяльнае пастырства
– жывая i канкрэтная дзейнасць Царквы, якая ў поўнi разумее сваю эвангельскую мiсiю
ў сацыяльнай, эканамiчнай, культурнай i палiтычнай галiнах. 525 Сацыяльная вестка
Эвангелля натхняе Царкву выконваць падвойную пастырскую задачу: дапамагаць людзям
у пошуках iсцiны i ў выбары шляху, заахвочваць iмкненне хрысцiянаў да эвангельскага
сведчання ў сацыяльнай сферы праз карпатлiвае служэнне. “Сёння – болей, чым калiсцi
– нельга абвяшчаць i слухаць Слова Божае, калi яго не суправаджае сведчанне сiлы Святога
Духа, што выяўляецца праз дзеянне хрысцiянаў, якiя служаць братам менавiта там, дзе
знаходзяцца пад пагрозай iх жыццё i будучыня. Патрэба ў новай эвангелiзацыi прымушае
Царкву зразумець, “што яе сацыяльнаму навучанню будуць давяраць, абапiраючыся хутчэй
на сведчанне спраў, чым на ўнутраную паслядоўнасць i логiку тэорыi”.