Përfundoi vizita ad limina e ipeshkvijve shqiptarë në Vatikan. Me ne, kryeipeshkvi
i Shkodërt-Pultit, imzot Angjelo Masafra.
(25.05.2008 RV)Me shtegtimin e sotëm në Gjenacan, te Zoja e Këshillit të Mirë,
përfundoi vizita “ad Limina Apostolorum” e ipeshkvijve të Shqipërisë në Vatikan.
Prelatët u pritën pardje në audiencë nga Papa Benedikti XVI i cili i porositi të jenë
të bashkuar në planin shpirtëror e baritor, për të kontribuar në rindërtimin e Kishës
dhe të indit shoqëror të një vendi, mbi të cilin rëndon akoma përvoja e errët e diktaturës
komuniste. Ndërsa dje, Papa u takua me kryetarin e Konferencës Ipeshkvnore të
Shqipërisë, imzot Rrok Mirditën, kryeipeshkëv i Tiranë-Durrësit, me ndihmësin e tij,
imzot Gjergj Frendon, me administratorin e Shqipërisë së Jugut, Imzot Hil Kabashin
dhe me ipeshkvin e Rrëshenit, imzot Kristofor Palmierin. Por për hollësirat e këtij
takimi tepër të rëndësishëm me Papën, të dëgjojmë kryeipeshkvin metropolit të Shkodër-Pultit,
Imzot Angjelo Masafrën, në mikrofonin e programit tonë: