Dhunë kundër emigrantëve në Afrikën e Jugut. Dëshmia e një skalabriniani.
(22.05.2008 RV)Nuk ndalet dhuna
kundër emigrantëve në Afrikën e Jugut. Gjatë natës është vrarë një person nga Mozambiku.
Janë djegur makina e janë plaçkitur dyqanet e somalëve, ndërsa vetë emigrantët nga
Zimbabveja, Somalia e Mozambiku kërkojnë strehë në komisariatet e policisë. Presidenti
Tabo Mbeki ka dhënë urdhër që ushtria të ndërhyjë krah policisë. Në dhjetë ditë, dhuna
kundër të huajve ka shkaktuar 42 viktima. Mbi këtë gjendje dramatike flet për ne atë
Mario Tesaroto, misionar skalabrinian, i cili prej vitesh merret me emigrantët e refugjatët
në Kejptaun: Tani ka mjerim. Të paktën 4 milion vetë të uritur kanë ardhur
në këtë vend, duke krijuar një situatë shumë të vështirë, sidomos në zonat afër Johanesburgut.
Mori fund Afrika jugore. Nuk ka më demokraci. Jemi të vetëdijshëm se demokracia afrikane
nuk është njëlloj me demokracinë evropiane, sepse ekzistojnë akoma ligjet fisnore
në mentalitetin e njerëzve, por një minimum demokracie duhet të jetë. Deri tani kemi
mbështetur Afrikën e Jugut, sepse në mes të kombeve të tjera ishte fanar ndriçues.
Namibia ka një regjim gati diktatorial e njëlloj edhe vendet e tjera përreth. Prandaj,
nëse Afrika e Jugut bie, çdo gjë merr fund.