Свой другі візыт “Ад Ліміна”, пасьля ўпадку камунізму, пачалі біскупы Альбаніі.
Гэтая краіна мае доўгую хрысьціянскую традыцыю, а пачаткі эвангэлізацыі зьвязваюцца
там з місіяю Сьвятога Паўла. У 15-м стагоддзі наступіла турэцкае нашэсьце і пачалася
ісламізацыя Альбаніі. У 1912-м годзе яна абвясьціла сваю незалежнасьць, а пад канец
дваццатых гадоў Альбанія спалучылася з Італіяю, якая ў 1939-м годзе заняла цэлую краіну.
Змаганьне з імі ўзьняла камуністычная партызантка. 28-га лістапада 1944-ша году Альбанія
была абвешчаная народнаю рэспублікаю ды ўладу перанялі камуністы. Гэта дало пачатак
крывавым перасьледаваньням Касьцёла. Канстытуцыя з 1976-га году абвясьціла Альбанію
першаю атэістычнаю краінаю на сьвеце ды забараніла будзь-якіх вонкавых праяўленьняў
веры. Перамены дзяржаўнага ладу пасьля 1991-га году дазволілі на адраджэньне жыцьця
Касьцёла. Стаяць цяпер перад ім такія выклікі як лаіцызацыя, жаданьне як найхутчэйшага
ўзбагачэньня а таксама міграцыі як унутраныя так і замежныя. Альбанія налічвае
каля 3,6 мільёна жыхароў. Католікаў ёсьць каля 600-т тысяч, большасьць насельніцтва
вызнае іслам ( паводле статыстык дзьве трэція) за тое на паўдні, пры мяжы з Грэцыяю
жыве каля 700-т тысяч праваслаўных. У Альбаніі працуе 126-ць каталіцкіх сьвятароў,
з чаго 84-х ёсьць законнікамі.