Кiтайскi кардынал лiчыць, што ў сёняшняй сiтуацыi вiзiт Папы ў яго краiну непажаданы.
“На свяце кнiгi, якое прайшло ў Турыне, я сказаў, што калi не будзе адпаведных умоў,
няма сэнсу, каб Папа прыязджаў у Кiтай, хаця ж мы i жадаем гэтага”, - сказаў кардынал
Язэп Цзэн, бiскуп Ганконга, пад час спаткання з журналiстамi ў семiнарыi iтальянскага
горада Варэзе. Кiтайскi бiскуп, якi, разам з арцыбiскупам Мiлану Дыянызiям Тэттаманцы,
прыймаў удзел у свяце кветак, што прайшло ў Варэзе. Кардынал Язэп Цзэн адзначыў,
што для такога падарожжа “павiнна быць двухбаковае жаданне”, маючы на ўвазе пазыцыю
кiтайскага ўрада, “у iншым выпадку такi вiзiт не мае сэнсу”, - лiчыць галава католiкаў
Ганконга. Адзiн з прысутных журналiстаў запытаўся ў кардынала Цзэна, што ён думае
накшталт просьбаў аб байкоце будучай Алiмпiяды. На гэта пытанне ганконгскi бiскуп
адказаў: “Мы нiколi нават i не думалi аб байкоце Алiмпiяды, бо алiмпiйскiя гульнi
маюць вялiкую вартасць як для спорту, так i для спаткання чалавецтва, але ж ёсць справядлiвым,
каб гэта падзея зрабiлася б нагодай для таго, каб кiтайскi ўрад стаў больш адкрытым
да павагi праў чалавека”.