Urata drejtuar Zojës së Sheshanit: Papa i lutet Virgjërës Mari që kinezët ta kumtojnë
pa frikë Krishtin.
(16.05.2008 RV)Sot Salla vatikanase e Shtypit bëri të njohur “Lutjen e Papës
drejtuar Zojës së Sheshanit”, shkruar për Ditën e lutjes kushtuar Kishës në Kinë,
që do të kremtohet të shtunën, më 24 maj.Papa i larton uratën e tij Virgjërës së Sheshanit,
Zojës të shenjtërores së njohur mariane, që ndodhet në Kinë, pranë Shangait. I lutet
ta mbështesë impenjimin e të gjithë kinezëve të cilët, ndonëse në një situatë të mundimshme,
vijojnë të besojnë, të shpresojnë, të duan, e t’u nxjerrë nga Hyji hirin të mos të
kenë kurrë më frikë t’i flasin botës për Jezusin e Jezusit për botën. Lutja,
sipas dëshirës së Benediktit XVI, do të thuhet në mbarë botën më 24 maj, ditën e festës
së Zojës Ndihmëtare, që nderohet me devocion të veçantë në shenjtëroren mariane të
Shishanit. Do të kremtohet, kështu, Dita e lutjes kushtuar Kishës në Kinë, për të
cilën Papa flet në Letrën e drejtuar një vit më parë katolikëve kinezë.