Shtegtimi tradicional i shqiptarëve tek Zoja e Këshillit të Mirë në Gjenacan.
(14.05.2008 RV)Të dielën, më 25 maj, Zoja e Këshillit të Mirë në Gjenacan pret
bijtë e vet shqiptarë nga të katër anët e Italisë e të botës: është një nga shtegtimet
më fatlume, sepse në përkim me përfundimin e vizitës ‘ad Limina’ të të gjithë ipeshkvijve
shqiptarë, që do t’u sjellin besimtarëve edhe mesazhin e Benediktit XVI për Shqipërinë
e Kishën në trojet shqiptare. Liturgjinë eukaristike, që do të fillojë në orën
11.00 dhe lutjen drejtuar Zojës së Këshillit të Mirë, do ta kryesojë Shkëlqesia e
Tij, imzot Rrok Mirdita, Kryeipeshkëv Metropolit i Tiranë- Durrësit, në bashkëkremtim
me ipeshkvij të tjerë të Konferencës Ipeshkvnore të Shqipërisë.