Në Fatima kremtohet 91-vjetori i dukjes së parë të Zojës së Bekuar.
(13.05.2008 RV)Më 13 maj, 91 vjet
më parë, në livadhet e Kova d’Iria, ku tre fëmijë: Luçia, Gjaçinto e Françeska, kullosnin
grigjët e tyre, u duk për herë të parë Virgjëra Mari, dukje që e shndërroi qytetin
e Fatimës në qendër përshpirtërie botërore. Ndërsa Shenjtërorja portugeze dhe Kisha
në mbarë botën kremtojnë sot festën e Zojës së Fatimës, ne u lidhëm telefonikisht
me rektorin e Shenjtërores, imzot Luçiano Gomes Paulo Guerra, të cilin e pyetëm
si u rrënjos fjala mariane që vjen nga Kova d’Iria, në historinë njerëzore të shekullit
të fundit:
Përgjigje: - U rrënjos për vullnet të Hyjit, përmes hireve,
veprave të jashtëzakonshme që kryen Hyji në Kishë e në mbarë botën. Mendoj se u rrënjos
përmes dukjeve e mrekullisë së diellit. Zoja foli për kthimin e Rusisë, gjë që ngjalli
për vite me radhë shpresa të mëdha. Pastaj dukjet u lidhën nga Provania hyjnore edhe
me jetën e Gjon Palit II, me atentatin e 13 majit 1981. E edhe për këtë Zoja e Fatimës
njihet, nderohet e duhet nga mbarë bota.