Багародзічная малітва "Каралева Неба" з Папам у нядзелю 11-га мая
Да адкрыцьця прысутнасьці Сьвятога Духа ва ўласным жыцьці Бэнэдыкт 16 паклікаў хрысьціян
таксама ў часе паўднёвае сустрэчы на Плошчы Сьвятога Пятра. Прыпомніў, што нядзельная
ўрачыстасьць Сасланьня Сьвятога Духа ўшаноўваецца ў месцы гэбрэйскага сьвята Саюзу,
заключанага Богам з Выбраным Народам на гары Сынай. Хрысьціяне ўшаноўваюць яго 50-т
дзён пасьля Сьвяты Пасхі, таму што менавіта тады Дух Сьвяты зыйшоў на Апосталаў сабраных
у Вячэрніку. Гэтае шчодрае выліцьцё ласкі зьяўляецца ўкаранаваньнем усёй місіі Ісуса
Хрыста. Ёсьць асаблівым хростам Касьцёла, які пачынае ад Ерусаліма сваю місію- сказаў
Бэнэдыкт 16 ды працягваў: “У пасланьні на найбліжэйшы Сусьветны Дзень Моладзі, я заахвоціў
маладых людзей да паўторнага адкрыцьця прысутнасьці Духа Сьвятога ў іх жыцьці, да
адкрыцьця значэньня сакрамантаў Хросту і Мірапамазаньня. Сёньня жадаў-бы пашырыць
гэтыя запросіны на ўсіх: адкрыйма, дарагія браты і сёстры, прыгажосьць нашага хросту
ў Духу Сьвятым. Усьвядомім значэньне Хросту і Мірапамазаньня, якія зьяўляюцца крыніцамі
ласкі “. Затым Папа зрабіў заклік за мір у Лібане Рашуча заклікаю ўсіх
жыхароў Лібану пакінуць лёгіку агрэсіўнага супастаўленьня, якое вядзе іхнюю дарагую
краіну да няўхільных вынікаў. Дыялог, узаемнае зразуменьне і шуканьне рацыянальнага
кампрамісу гэта адзіная дарога, якая зможа прывярнуць Лібану яго ўстановы, а насельніцтву
бясьпеку неабходную да годнага жыцьця ды багатае ,ў надзею,будучыні. Ох, каб Лібан
цераз заступніцтва Божае Маці, здолеў з адвагаю справіцца свайму пакліканьню, каб
быць адносна Блізкага Усходу і ўсяго сьвету знакам сапраўднага мірнага шанцу ды канструктыўнага
суіснаваньня паміж людзьмі. Розныя супольнасьці, якія ствараюць гэтую краіну- як
гэта прыпомніла Апостальская Адгортацыя “Новая надзея для Лібану”- зьяўляюцца “багацьцем
гэтае краіны і вырашаючы аб яе арыгінальнасьці, наносяць краіне адначасна цяжкія да
развязкі праблемы. Жыцьцё ў Лібане ёсьць аднак супольным заданьнем для ўсіх яго жыхароў”. Папа
памаліўся пра дар Духа Сьвятога для Лібану, асабліва пра дар адзінства і згоды ды
міру і прымірэньня.