Benedikti XVI pjesëmarrësve në takimin mbi ‘Humanæ Vitæ’: Dashuria bashkëshortore,
që pranon dhuratën e paçmuar të jetës, duhet t’i lidhë ngushtësisht lirinë me të vërtetën.
(10.05.2008 RV)“T’i lidhësh ngushtësisht lirinë me të vërtetën, kur është fjala
për të vlerësuar dhuratën e paçmuar të jetës njerëzore”: mbi këtë temë themelore,
sa të vjetër, aq edhe të re, u përqendrua fjalimi i Benediktit XVI drejtuar pjesëmarrësve
të takimit ndërkombëtar, organizuar me rastin e 40-vjetorit të ‘Humanæ Vitæ’, enciklikë
e Palit VI. Një fjalim me frymëmarrje të gjërë mbi një nga vlerat e padiskutueshme,
aq të dashura për Papën. Audienca e sotme i krijoi Benediktit XVI mundësinë të kujtojë
guximin dhe largpamësinë e Papës Montini në publikimin e enciklikës e cila, për fat
të keq, shpesh herë nuk u kuptua si duhet.