Праграма візыту Бэнэдыкта 16 ў італьянскія гарады Савона і Генуя
У Ватыкане апублікавана падрабязную праграму візыту Папы ў рэгіёне Лігурыя. Візыт
адбудзецца ў днях 17-18 мая. У Савоне Сьвяцейшы Айцец адслужыць Сьвятую Імшу на тамашняй
Плошчы “Пяцца дэль Пополё”. У сядзібе біскупа адведае залу прысьвечаную памяці Папы
Пія 7-га ў месцы, дзе быў ён ўвязьнены Напалеонам на працягу 3-х гадоў. Вечарам 17-га
мая Бэнэдыкт 16 прыбудзе ў Геную. У праграму другога дня паломніцтва Папы ўпісана
наведаньне марыйнае сьвятыні “Ностра Сынёра дэльля Гуардыя”, візыт у пэдыятрычную
бальніцу ды сустрэча з моладдзю. Пасьля адгаварэньня багародзічнае малітвы “Анёл
Гасподні” Бэнэдыкт 16 сустрэнецца ў катэдры Сьвятога Лаўрэнцыя з прадстаўнікамі пасьвячанага
жыцьця. Вяршком паломніцтва будзе нядзельная Эўхарыстыя, якая будзе адпраўлена на
Плошчы Перамогі ( “Пяцца дэльля Вітторыя”.) Візыт Папы у Лігурыю гэта адно з трох
сёлетных падарожжаў Бэнэдыкта 16 у Італію. У палове чэрвеня Сьвяцейшы Айцец будзе
ў Брындізы і Санта Марыя ді Леўка, што ў рэгіёне Апулія, а ў месяцы верасьні Папа
адведае сталіцу Сардэніі Кальяры