(08.05.2008 RV)Izraeli filloi sot me fishekzjarre kremtimet për 60-vjetorin
e krijimit të Shtetit hebraik. Festimet, që do të shoqërohen me koncerte e ekspozita,
do të arrijnë kulmin më 15 maj. Bazat ushtarake do të hapin dyert për t’i treguar
publikut arsenalin masiv të armëve që Tel Avivi ka grumbulluar në 6 dekada konfliktesh. Ndërsa
hebrenjtë festojnë përvjetorin e pavarësisë së shpallur më 15 maj 1948, palestinezët
përkujtojnë 60-vjetorin e Nakbës, term arab, që do të thotë shkatërrim e katastrofë.
Në atë vit, 760 mijë palestinezë u përzunë nga shtëpitë e tyre. Shembull i qartë se
si mund të interpretohet e njëjta histori në dy anë të ndryshme të kufirit.