Да 8 мая прадоўжыцца ў Рыме Сёмы іслама-хрысціянскі семінар "Будаваць масты 'Costruire
dei Ponti' ".
У ім прымаюць удзел прадстаўнікі ўсіх хрысціянскіх намінацый. Кіраўнікі дэлегацый
з розных краін свету бываюць прынятыя Папам Бенедыктам 16. У аўторак Свяцейшы Айцец
даў спецыяльную аўдыенцыю Прымасу англіканскае Царквы арцыбіскупу Кентэрбярыйскаму
Роуэну Вільямсу. Гэта ўжо трэцяя іх спецыяльная сустрэча. Як зазначыў госць
у інтэрв'ю журналістам, існуе трывалая аснова ўзаемнага даверу ў адносінах дзвюх Цэркваў-сёстраў.
Нягледзячы на беспырцыдэнтны ў гісторыі англіканскай Царквы крызіс, як сказаў арцыбіскуп
Кентэрбярыйскі, ёсць надзея на працяг плённага дыялогу і дзеяння ў свеце праз сумесныя
міратворчыя намаганні. Прымас англіканаў 7 мая старшынстваваў цырымоніі ўступу на
пасаду новага дырэктара Англіканскага цэнтру ў Рыме, што прайшла ў касцёле Святой
Марыі на Мінерве. У часе цырымоніі была выказаная пэўнасць працягу лініі дружалюбных
і даверлівых адносінаў і паразумення.