(27.04.2008 RV)Në Karakas (Venezuelë) sot u shpall e Lume, Kandelaria de San
Hose Pac-Kastiljo Ramirez (1863-1940), themeluese e Motrave karmelitane të Nënë Kandelaries. Kremtimin,
mbajtur në Stadiumin Olimpik Universitar, e kryesoi kardinali Zhoze Saraiva Martins,
prefekt i Kongregatës për Çështjet e Shenjtorëve, përfaqësues i Papës.
Ky
lumnim do të ndiqet nga dy të tjerë: më 3 maj, në Bazilikën romake të Shën Gjonit
në Lateran, do të shpallet e lume Maria Madalena e Mishërimit (Katerina Sordini),
Virgjër, themeluese e Urdhërit të Rregulltareve Adhuruese të të Shenjtnueshmit Sakrament. Ndërsa
një ditë më pas, më 4 maj, në katedralen e Trier-it të Gjermanisë, do të lumnohet
Maria Roza Flesh, virgjër, themeluese e Motrave Françeskane Misionare të Shën Marisë
së Engjëjve.