Сустрэча сьвятароў і законнікаў Віцебскай дыяцэзыі
24 красавіка 2008 г. у в. Парафіянава (Докшыцкі дэканат, Віцебская дыяцэзія) у касцёле
Імя Найсвяцейшай Панны Марыі адбылася сустрэча святароў, законнікаў і законніц, якія
працуюць у Віцебскай дыяцэзіі. Сустрэча распачалася адарацыяй Найсвяцейшага Сакрамэнту,
пасля якой біскуп Уладзіслаў Блін разам з прысутнымі святарамі канцэлебраваў святую
Імшу. Гамілію прамовіў ксёндз прэлат Тадэвуш Кароляк, пробашч парафіі Перамянення
Пана ў в. Германавічы (Мёрскі дэканат). Ксёндз Тадэвуш падкрэсліў, што фармацыя святароў
не спыняецца з заканчэннем іх навучання ў духоўнай семінарыі і атрыманнем святарскага
пасвячэння, але працягваецца ўсё жыццё святара. «Ад вашай святасці, святары, залежыць
святасць вернікаў», — падкрэсліў прэлат.
Пасля сустрэчы дэканаў адбылася
прэзентацыя міжнародных даследаванняў у галіне дэмаграфіі і абароны сям’і, якую падрыхтаваў
прафесар Віцебскага дзяржаўнага універсітэта імя П. М. Машэрава Уладзіслаў Валаховіч. Паводле
Catholic.By